عوام 30 ستمبر تک 1تا 50 پیسے کے اعشاری سکے تبدیل کرالیں‘اسٹیٹ بنک

عوام 30 ستمبر تک 1تا 50 پیسے کے اعشاری سکے تبدیل کرالیں‘اسٹیٹ بنک

کراچی(آن لائن) اسٹیٹ بینک آف پاکستان نے عوام کو یاد دہانی کرائی ہے کہ وہ ایس بی پی بی ایس سی کے دفاتر اورکمرشل مائیکروفنانس بینکوں کی شاخوں سے 30 ستمبر 2014 تک 1، 2، 5، 10، 25 اور 50 پیسے کے اعشاری سکے تبدیل کرالیں۔عوام کی آگہی کے لیے اسٹیٹ بینک نے کمرشل ومائیکرو فنانس بینکوں کو ہدایت کی ہے کہ وہ اعشاری سکوں کے تبادلے سے متعلق پوسٹرزو بینرز اپنی شاخوں میں نمایاں مقامات پر لگائیں۔

یاد رہے کہ وفاقی حکومت پہلے ہی مطلع کر چکی ہے کہ یکم اکتوبر 2014 سے 1، 2، 5، 10، 25 اور 50 پیسے کے سکوں کی قانونی حیثیت ختم ہو جائے گی تاہم 30 ستمبر 2014 تک ایس بی پی بی ایس سی کے دفاتر اور بینکوں کی شاخوں سے ان سکوں کا تبادلہ کیا جا سکتا ہے۔

مزید : کامرس