سانحہ ما ڈل ٹاﺅن :عوامی تحریک کے فائرنگ کرنیوالے پانچ کارکنوں کا سراغ لگا لیا گیا

سانحہ ما ڈل ٹاﺅن :عوامی تحریک کے فائرنگ کرنیوالے پانچ کارکنوں کا سراغ لگا ...
سانحہ ما ڈل ٹاﺅن :عوامی تحریک کے فائرنگ کرنیوالے پانچ کارکنوں کا سراغ لگا لیا گیا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

 لاہور(ما نیٹر نگ ڈیسک )سانحہ ماڈل ٹاﺅن کی تحقیقات کرنے والی جوائنٹ انویسٹی گیشن ٹیم نے فائرنگ کرنے والے عوامی تحریک کے پانچ کارکنوں کا سراغ لگا نے کے ساتھ ساتھ برآمد ہونے والے اسلحے کی تصدیق بھی کر لی گئی ہے۔ذرائع کے مطابق مختلف اداروں کے حکام پر مشتمل تحقیقاتی ٹیم کو اہم کامیابی حاصل ہوئی ہے اور مختلف اداروں پر مشتمل مشترکہ تحقیقاتی ٹیم بہت سے اہم امور کا سراغ لگانے میں کامیاب ہوئی جس کے مطابق ادارہ منہاج القراج سے ملنے والی دو کلاشنکوف سے بارہ راﺅنڈ فائر کیے گئے تھے جن کے خول میچ کر گئے ہیں۔ منہاج القرآن سے تحویل میں لیے جانے والے تین پسٹل کے ساتھ بھی خول میچ کر گئے۔ پسٹل سے فائر کیے جانے والی 34 گولیوں کے خول میچ ہوئے ہیں۔ ادارہ منہاج القران کی طرف سے فائرنگ کرنے والے پانچ افراد کا تحقیقاتی ٹیم نے سراغ تو لگا لیا ہے مگر ان کو ابھی تحویل میں لینے کا فیصلہ نہیں ہو سکا۔ تحقیقات میں یہ بھی امر سامنے آیا ہے کہ سانحہ ماڈل ٹاﺅن میں ایلیٹ فورس طلب کرنے کا فیصلہ پولیس حکام نے گھبراہٹ میں کیا اور ایلیٹ فورس کی مظاہرین کو ہینڈل کرنے کی کوئی تربیت نہیںہے ۔

مزید : لاہور /اہم خبریں