مسلسل آئی ایم ایف کی چوکھٹ پر بیٹھنے والے گریبان میں جھانکیں، شہباز گل

  مسلسل آئی ایم ایف کی چوکھٹ پر بیٹھنے والے گریبان میں جھانکیں، شہباز گل

  

اسلام آباد (این این آئی)وزیراعظم عمران خان کے معاون خصوصی برائے سیاسی روابط شہباز گل نے شہباز شریف کے بیان پر ردعمل دیتے ہوئے کہا ہے کہ مسلسل آئی ایم ایف کی چوکھٹ پر بیٹھنے والے اپنے گریبان میں جھانکیں۔اپنے بیان میں انہوں نے کہا کہ آپ کی ناکام معاشی پالیسیوں کی بدولت ہی ملک اس حالت میں ہے، ملک کو قرضوں کی دلدل میں دھنسانے والے آپ ہی ہیں۔شہباز گل نے کہا کہ مسلم لیگ نون کے دورحکومت میں آئی ایم ایف کا راستہ آپ کا پسندیدہ راستہ تھا، آپ کا پلان اے، بی اور سی بھی قرضوں کا حصول تھا۔معاون خصوصی نے نون لیگ کے صدر کے بیان پر شدید ردعمل دیتے ہوئے کہا کہ آپ نے پچھلے 5 سال میں 34 ارب ڈالر قرض لیا، کورونا کے باوجود معاشی استحکام کی طرف جانا آپ سے برداشت نہیں ہورہا۔انہوں نے کہا کہ پچھلے 15 دن سے اسٹاک ایکسچینج میں مسلسل تیزی کا رجحان ہے، جون کے مہینے میں 2.46 ارب ڈالرز کی ترسیلات میں ریکارڈ اضافہ ہوا۔شہباز گل نے کہاکہ قیمتوں میں کمی، حکومتی اقدامات پر عوام کا اعتماد آپ کی تکلیف کی اصل وجہ ہے، وزیراعظم 2 لاکھ میں اپنے تمام بل جیب سے ادا اور مہمان نوازی کا بل بھی دیتے ہیں۔

شہباز گل

مزید :

صفحہ آخر -