سشانت سنگھ راجپوت کی گرل فرینڈ نے حکومت سے بڑا مطالبہ کردیا

سشانت سنگھ راجپوت کی گرل فرینڈ نے حکومت سے بڑا مطالبہ کردیا
سشانت سنگھ راجپوت کی گرل فرینڈ نے حکومت سے بڑا مطالبہ کردیا

  

ممبئی (ڈیلی پاکستان آن لائن) گزشتہ ماہ خود کشی کرنے والی اداکار سشانت سنگھ راجپوت کی گرل فرینڈ ریا چکروتی نے بھارت کے وزیر داخلہ امیت شاہ سے مطالبہ کیا ہے کہ آنجہانی اداکار کی خود کشی کی سی بی آئی سے تحقیقات کرائی جائیں۔

ریا چکروتی نے ٹوئٹر پر کہا " معزز امیت شاہ جی، میں سشانت سنگھ راجپوت کی گرل فرینڈ ریا چکروتی ہوں، سشانت کی خود کشی کے سانحے کو ایک ماہ ہوچکا ہے، مجھے حکومت پر مکمل اعتماد ہے، انصاف کے حصول کی خاطر میں آپ سے ہاتھ جوڑ کر گزارش کرتی ہوں کہ سی بی آئی انکوائری شروع کرائی جائے۔"

ریا چکروتی نے کہا کہ وہ سشانت سنگھ راجپوت کی خود کشی کے معاملے کی سنٹرل بیورو آف انویسٹی گیشن سے تحقیقات اس لیے کرانا چاہتی ہیں تاکہ وہ جان سکیں کہ وہ کون سا ذہنی دباؤ تھا جس نے سشانت کو یہ انتہائی قدم اٹھانے پر مجبور کیا۔

خیال رہے کہ بالی ووڈ اداکار سشانت سنگھ راجپوت نے 14 جون کو ممبئی میں خود کشی کرلی تھی۔ ان کی خود کشی کے معاملے پر پولیس کی جانب سے تحقیقات کا سلسلہ جاری ہے اور ریا چکروتی سمیت متعدد لوگوں سے اس حوالے سے پوچھ گچھ کی جاچکی ہے۔

مزید :

تفریح -