کے الیکٹرک کے مسائل حل ہونے تک کراچی کو۔۔۔وزیر اعظم عمران خان نے شہر قائدمیں بجلی کی بدترین لوڈشیڈنگ پر بڑا حکم جاری کردیا

کے الیکٹرک کے مسائل حل ہونے تک کراچی کو۔۔۔وزیر اعظم عمران خان نے شہر قائدمیں ...
کے الیکٹرک کے مسائل حل ہونے تک کراچی کو۔۔۔وزیر اعظم عمران خان نے شہر قائدمیں بجلی کی بدترین لوڈشیڈنگ پر بڑا حکم جاری کردیا

  

اسلام آباد(ڈیلی پاکستان آن لائن) وزیراعظم عمران خان نے کراچی میں لوڈشیڈنگ کے خاتمے کے لیے ہنگامی اقدامات کی ہدایت کردی۔

نجی ٹی وی کے مطابق وزیراعظم عمران خان  کی زیرصدارت کابینہ کمیٹی برائے توانائی کا اجلاس ہوا جس میں وزیراعظم کو کے الیکٹرک سے متعلق تفصیلی بریفنگ میں بتایا گیا کہ وفاقی حکومت نے نیشنل گرڈ سے اضافی بجلی کی پیشکش کی ہے، کے الیکٹرک کا سسٹم 720 میگا واٹ سے زائد بجلی نہیں لے سکتا جبکہ کے الیکٹرک کو 4500 ٹن فرنس آئل فراہم کیا اور مزید 500 ٹن کی پیشکش کی ہے۔اجلاس میں کے الیکٹرک اور حکومت کے درمیان معاہدے پر نظرثانی پر بھی غور کیا گیا ۔ وزیراعظم نے کراچی میں لوڈشیڈنگ کے خاتمے کے لیے ہنگامی اقدامات کی ہدایت کرتے ہوئے کہا کہ کے الیکٹرک کے مسائل حل ہونے تک کراچی کو نیشنل گرڈ سے بجلی دی جائے۔دوسری طرف ذرائع کے مطابق وزیراعظم نے کراچی کے صارفین کے لیے بجلی مہنگی کرنے کا فیصلہ موخر کرنے کی ہدایت کی جس پر وفاقی وزیر امین الحق نے ٹیرف بڑھانے کے فیصلہ موخر کرنے پر وزیراعظم کا شکریہ بھی ادا کیا۔واضح رہے کہ ای سی سی نے کے الیکٹرک صارفین کے لیے بجلی 2 روپے 79 پیسے فی یونٹ مہنگی کرنیکا فیصلہ کیا تھا۔

مزید :

اہم خبریں -قومی -