چارسدہ(آئی این پی ) تھانہ پڑانگ کی حدود میں نوجوان کے قتل کا اصل ملزم گرفتارکرلیا، ملزم مقتول کا اپنا سگا بھائی نکلا۔
تفصیلات کے مطابق پولیس کو علاقہ تھانہ پڑانگ کی حدود فقیر اباد ماجوکے میں نوجوان کے قتل کی رپورٹ موصول ہوئی۔ پولیس نے ناصر خان کی مدعیت میں سجاد علی اور عماد وغیرہ کے خلاف قتل کا مقدمہ درج کیا۔
ایس پی انوسٹی گیشن چارسدہ رجب علی خان کی سربراہی میں ٹیم نے مقدمہ میں نامزد ملزمان کو شامل تفتیش کیا اور یہ بات سامنے آئی کہ مقدمہ میں نامزد ملزمان بے گناہ ہیں ، قتل میں ملوث اصل ملزم مقتول کااپنا بھائی تھا جسے گرفتارکرلیا گیا۔