توشہ خانہ ریفرنس، نیب کی ٹیم عمران خان سے تفتیش کیلئے اڈیالہ جیل پہنچ گئی

راولپنڈی(ڈیلی پاکستان آن لائن ) نیب کی ٹیم نئے توشہ خانہ ریفرنس میں عمران خان سے تفتیش کے لیے اڈیالہ جیل پہنچ گئی۔

نجی ٹی وی ایکسپریس نیوز نے جیل ذرائع سے دعویٰ کیاہے کہ بانی چیئرمین پی ٹی آئی اور ان کی اہلیہ بشریٰ بی بی کی نئے توشہ خانہ ریفرنس میں گرفتاری کے بعد دونوں ملزمان سے آج تفتیش کا تیسرا روز ہے۔

نیب کی ٹیم ڈپٹی ڈائریکٹر محسن ہارون کی سربراہی میں اڈیالہ جیل پہنچ گئی جو بانی چیئرمین پی ٹی آئی اور بشریٰ بی بی سے نئے توشہ خانہ ریفرنس کے حوالے سے تفتیش کرے گی۔

واضح رہے کہ نیب ٹیم نے گزشتہ روز بھی بانی پی ٹی آئی عمران خان اور ان کی اہلیہ بشریٰ بی بی سے 3 گھنٹے سے زائد تفتیش کی تھی۔ نیب ٹیم نے توشہ خانہ کے نئے ریفرنس میں 13 جولائی کو گرفتاری ظاہر کی تھی، جس کے بعد احتساب عدالت کے جج محمد علی وڑائچ نے 14 جولائی کو دونوں ملزمان کا 8 روزہ جسمانی ریمانڈ منظور کیا تھا۔