بہاولپور(ڈیلی پاکستان آن لائن) عناسیہ کینال میں چنی گوٹھ کے قریب نہر میں شرط لگا کر تیراکی کا مقابلہ کرتے ہوئے بزرگ شہری ڈوب کر جاں بحق ہوگیا۔ریسکیو کے مطابق 2 بزرگوں کے درمیان عباسیہ کینال میں تیراکی کی شرط لگی تھی۔ ایک بزرگ شخص نہرکے درمیان میں پہنچ کر ڈوب گیا جس کی لاش نکال لی گئی۔
ریسکیو اہلکار نے جیو نیوز کو بتایا کہ دوسرا بزرگ شخص نہر کے آدھے راستے سے ہی لوٹ گیا۔ ڈوب کر جاں بحق ہونے والے شخص کی عمر 66 سال تھی۔جاں بحق شخص کے بھتیجے نے الزام لگایا ہےکہ علاقہ مکینوں نے میرے بزرگ چچا کو نہر عبور کرنےکا جھانسہ دیا تھا، میرا چچا ڈوبتا رہا اور علاقہ مکین نہرکنارےکھڑے دیکھتے رہے۔