رمضان المبارک کی آمد،طویل ترین اور مختصر ترین روزے دنیا میں کس جگہ ہوں گے؟جانئے انتہائی مفید معلومات

رمضان المبارک کی آمد،طویل ترین اور مختصر ترین روزے دنیا میں کس جگہ ہوں ...
رمضان المبارک کی آمد،طویل ترین اور مختصر ترین روزے دنیا میں کس جگہ ہوں گے؟جانئے انتہائی مفید معلومات

  IOS Dailypakistan app Android Dailypakistan app

دبئی(مانیٹرنگ ڈیسک) رمضان المبارک کی آمد آمد ہے، ممکنہ طور پر 19جون کو پہلا روزہ ہو گا اور 19جولائی کو عید الفطر ادا کی جائے گی۔ جیسا کہ آپ جانتے ہیں کہ گرمیوں میں روزہ بہت زیادہ طویل ہوتا ہے لیکن دنیا بھر میں ایسا نہیں ہے۔ کرہ ارض بلد اور طول بلد پر مختلف جگہوں پر موجود ممالک میں روزے کی طوالت بھی مختلف ہوتی ہے۔ آئیے آپ کو بتائیں کہ کس ملک میں روزہ سب سے زیادہ طویل اور کس میں ملک میں سب سے کم وقت کا ہوگا۔

مزیدپڑھیں:اگر آپ کو قبلے کا رخ معلوم نہیں اور غلط سمت میں نماز ادا کر دی تو کیا کیا جائے؟اماراتی محکمہ اسلامی امور نے واضح کر دیا
 اس سال ماہ رمضان میں دنیا بھر میں سب سے زیادہ طویل روزہ ڈنمارک میں ہوگا جو 21گھنٹوں پر محیط ہوگا۔ ارجنٹینا میں سب سے مختصرروزہ رکھا جائے گا جس کا دورانیہ محض ساڑھے 9گھنٹے ہوگا۔ دبئی میں روزے کی طوالت 14گھنٹے 51منٹ ہو گی جبکہ پاکستان میں روزے اوسطاً15گھنٹے کے ہوں گے۔ماہرین کا کہنا ہے کہ شمالی نصف کرہ ارض کے ممالک میں نہ صرف گزشتہ 33سال سے طویل ترین روزہ ہو گا بلکہ موسم بھی شدید گرم ہو گا۔اس کی وجہ یہ ہے کہ اس ماہ رمضان کے دوران سورج شمالی نصف کرہ ارض کے بالکل اوپر سے گزرتارہے گا۔ سورج چونکہ شمالی نصف کرہ ارض کے اوپر سے گزرے گا اس لیے جنوبی نصف کرہ میں شدید سردی کا موسم ہو گا اور روزے کی طوالت بھی انتہائی کم ہو گی۔
اس سال آئس لینڈ، سویڈن اور ناروے میں روزہ اوسطاً 20گھنٹے، نیدرلینڈز اور بیلجئم میںساڑھے 18گھنٹے، سپین میں ساڑھے 17گھنٹے ، انگلینڈ اور جرمنی میںساڑھے 16گھنٹے جبکہ امریکہ، فرانس ، اٹلی اور مصر میں اوسطاً 16گھنٹے طویل ہو گا۔
بحرین، سعودی عرب، نیونس اور فلسطین میں روزہ 15گھنٹے طویل ہو گا، یمن میں 14گھنٹے 50منٹ، قطر میں 14گھنٹے40منٹ، کویت، عراق، شام ، مراکش، الجیریا، لیبیا اور سوڈان میں روزہ 14گھنٹے طویل ہو گا۔ آسٹریلیامیں 10گھنٹے، جنوبی افریقہ میں ساڑھے 10گھنٹے، برازیل میں 11گھنٹے جبکہ میکسیکو میں 13گھنٹے اور 20منٹ کا روزہ رکھا جائے گا۔

مزید :

Ramadan News -