پشاور :موبائل پولیس پر فائرنگ‘ 3اہلکار شہید، ایک زخمی
پشاور(صباح نیوز)متنی میں پولیس موبائل پر فائرنگ کے نتیجے میں 3 پولیس اہلکار شہید اور ایک زخمی ہوگیا جب کہ جوابی فائرنگ میں ایک حملہ آور بھی ماراگیا۔ پولیس کے مطابق جمعرات کے روزپشاور کے علاقے متنی میں نامعلوم افراد نے پولیس موبائل پر فائرنگ کردی جس کے نتیجے میں 3 اہلکار موقع پر ہی شہید ہوگئے جب کہ ایک اہلکار کو شدید زخمی حالت میں اسپتال منتقل کیا گیا ہے جہاں اس کی حالت نازک بتائی جارہی ہے۔پولیس کے مطابق اہلکاروں کی جانب سے جوابی فائرنگ کی گئی جس کے نتیجے میں ایک حملہ آور بھی مارا گیا۔
پولیس فائرنگ
