قطر میں غذائی قلت ، پاکستان نے گوشت کی پہلی کھیپ دوحہ بھجوا دی

قطر میں غذائی قلت ، پاکستان نے گوشت کی پہلی کھیپ دوحہ بھجوا دی
  1. کراچی(مانیٹرنگ ڈیسک) خلیجی ممالک کے درمیان تعلقات کی خرابی کے بعد قطر میں غذائی قلت پیدا ہوگئی ہے جس پر قابو پانے کے لئے قطری حکام نے دوست ممالک سے رابطے شروع کردئیے ہیں، اس حوالے سے قطر نے پاکستان سے مرغی کا گوشت منگوانے کے لئے رابطہ کر لیا. جبکہ گوشت کی پہلی کھیپ دوحہ روانہ کردی.فیڈریشن آف پاکستان چمبر آف کامرس اینڈ انڈسٹری (ایف پی سی سی آئی) کے صد ر زبیر طفیل نے کہا ہے کہ قطر میں غذائی ضروریات پوری کرنے کے لئے قطر سے رابطے کے مثبت نتائج سامنے آئے ہیں اس حوالے سے قطرنے پاکستان سے مرغی کاگوشت منگوالیا، پاکستان نے مرغی کے گوشت کی ایک بڑی مقدار بذریعہ ہوائی جہاز دوحہ بھجوا دی ہے اور آئندہ بھی قطر کی غذائی ضروریات پورا کرنے کے لئے پاکستان اپنے اقدامات جاری رکھے۔

مزید : صفحہ اول