صومالیہ: الشباب کا ہوٹل پر خودکش حملہ، 9ہلاک، 20یرغمال بناکر لئے گئے

صومالیہ: الشباب کا ہوٹل پر خودکش حملہ، 9ہلاک، 20یرغمال بناکر لئے گئے

موغادیشو(این این آئی)افریقی ملک صومالیہ کے دارالحکومت موغا دیشو میں کل بدھ کے روز ایک ہوٹل میں مسلح افراد نے خود کش حملہ کرکے 9 افراد کو ہلاک اور 20 کو یرغمال بنا لیا۔واقعے کے بعد صومالیہ میں سرگرم شدت پسند تنظیم الشباب نے اس کی ذمہ داری قبول کی ہے۔عرب ٹی وی کے مطابق موغادیشو پولیس کے ایک سینئر عہدیدار میجر ابراہیم حسین نیبتایا کہ بدھ کو ایک مبینہ خود کش بمبار نے بارود سے بھری کار دارالحکومت میں واقع ایک ہوٹل سے ٹکرا دی جس کے نتیجے میں متعدد افراد ہلاک اور زخمی ہوگئے۔ اس موقع پر پولیس اور مسلح افراد کے درمیان فائرنگ کا بھی تبادلہ ہوا۔ خود کش حملے اور فائرنگ کے تبادلے میں 9 افراد کی ہلاکت کی تصدیق کی گئی ہے۔پولیس افسر کا کہناتھا کہ شدت پسندوں نے خود کش حملہ کرکے موغادیشو میں واقع پیزا ہاس میں افراتفری پھیلانے کی کوشش کی اور ہوٹل میں موجود کم سے کم 20 افراد کو یرغمال بنانے کے بعد نامعلوم مقام پر منتقل کردیا گیا ہے۔میجر ابراہیم حسین نے بتایا کہ دہشت گردوں کا ہدف بش ٹریٹز ہوٹل تھا۔ یہی وجہ ہے کہ ایک دہشت گرد خود کش بمبار نے بارود سے بھری کار ہوٹل سے ٹکرادی جس کے نتیجے میں ہوٹل کو نقصان پہنچا ہے۔ہوٹل کے پڑوس میں رہنے والے ایک مقامی شہری عباس احمد نے بتایا کہ اس نے خود کش دھماکے کے متعدد بڑی تعداد میں زخمی اور ہلاک ہونے والے افراد کی لاشیں دیکھیں۔واقعے کے بعد صومالیہ میں سرگرم شدت پسند تنظیم الشباب نے اس کی ذمہ داری قبول کی ہے۔

مزید : عالمی منظر