سلمان کا عامر خان کی تیسری شادی سے متعلق حیران کن بیان

سلمان کا عامر خان کی تیسری شادی سے متعلق حیران کن بیان
سلمان کا عامر خان کی تیسری شادی سے متعلق حیران کن بیان

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

ممبئی (آئی این پی) بالی ووڈ کے دبنگ اداکار سلمان خان نے مسٹر پر فیکشنسٹ کی تیسری شادی سے متعلق حیران کن بیان دیتے ہوئے کہا ہے کہ وہ عامر خان کے ہاتھ پیر باندھنا چاہتے ہیں تاکہ عامر تیسری بار شادی نہ کر سکیں۔سلمان خان کا شمار بالی ووڈ کے صف اول کے اداکاروں میں ہوتا ہے لیکن بہترین اداکار 51 سال کے ہونے کے باوجود ابھی تک کنوارے ہیں، ان کے گھر والوں، مداحوں اور ساتھی اداکاروں سمیت سب لوگوں کی یہی خواہش ہے کہ سلمان جلد سے جلد شادی کے بندھن میں بندھ جائیں لیکن سلمان کا فی الحال شادی کا کوئی ارادہ نظر نہیں آتا۔

بھارتی میڈیا کے مطابق کچھ عرصہ قبل عامر خان نے سلمان کو شادی کا مشورہ دیتے ہوئے کہا تھا کہ انہیں اب شادی کے بندھن میں بندھ جانا چاہیئے، تاہم مجھے معلوم ہے سلمان آسانی سے نہیں مانیں گے، لہٰذا ان کے ہاتھ پاؤں باندھ کر شادی کروانی ہو گی، یہ بات عامر نے مذاقاً کہی تھی۔حال ہی میں جب سلمان خان کو فلم ’’ٹیوب لائٹ‘‘ کی تشہیر کے موقع پرعامر خان کی شادی والی بات یاد دلائی گئی تو انہوں نے کہا کہ’’ہاں میں نے عامر کا یہ بیان پڑھا تھا، اس کے جواب میں میں صرف یہ ہی کہنا چاہوں گا کہ میں بھی عامر کے ہاتھ پاؤں باندھنا چاہوں گا تا کہ وہ  تیسری بار شادی نہ کرسکیں‘‘۔

مزید خبریں :”میں اپنی سوتیلی بیٹی کو ۔۔۔“جمائما خان نے ٹیرین وائٹ کی تصویر جاری کر کے ساتھ ہی ایسی بات کہہ دی کہ عمران خان کے بھی دنگ رہ جائیں گے

مزید : تفریح