موٹروے ایم تھری پر کار سے کروڑوں مالیت کی منشیات برآمد
لاہور(کرائم رپورٹر)موٹروے پولیس نے کارروائی کرتے ہوئے کار سے کروڑوں روپے مالیت کی منشیات برآمد کر لی۔ موٹروے پولیس حکام کے مطابق موٹروے ایم 3 ننکانہ صا حب کے قریب پٹرولنگ افسران نے ایک مشکوک کار کو رکنے کا اشارہ کیا۔کار ڈرائیور موٹروے پولیس کو دیکھ کر کار چھوڑ کر فرار ہو گیا۔کار کی تلاشی لینے پر 124 پیکٹ حشیش اور 69 پیکٹ افیم برآمد ہوئی۔ منشیات کو اے این ایف کے حوالے کردیا گیا۔
