کراچی:بیوی کا سابق منگیتر کورنگی کے صابر حسین کا قاتل نکلا
کراچی(اسٹاف رپورٹر)انسدادِ دہشت گردی کے محکمے (سی ٹی ڈی)نے کراچی کے علاقے صدر میں کارروائی کے دوران ایک ملزم کو گرفتار کرلیا۔سی ٹی ڈی کے ترجمان نے بتایا ہے کہ شاہ نواز کراچی کے علاقے کورنگی میں 9 جون کو ہونے والی قتل کی ایک واردات میں ملوث ہے۔سی ٹی ڈی کے ترجمان نے ایک بیان میں کہا کہ شاہ نواز نے ذاتی رنجش کی بنیاد پر صابر حسین کو قتل کیا تھا۔ ذرائع کے مطابق مقتول صابر حسین نے ملزم کی منگیتر کو بھگاکر شادی کی تھی۔ ملزم اپنی سابق منگیتر کو بھی زخمی کرچکا ہے۔
