پاکستان کی بوہری برادری آج عید الاضحیٰ منا رہی ہے
کراچی (ویب ڈیسک) پاکستان میں بسنے والی بوہری برادری آج عید الاضحیٰ اپنے روایتی جوش و خروش کے ساتھ منا رہی ہے۔
"ایکسپریس نیوز" کے مطابق شہر قائد میں آباد بوہری برادری نے عید الاضحیٰ کی نماز کی ادائیگی کے بعد ایک دوسرے کو عید کی مبارکباد دی۔شہر کے مختلف علاقوں میں بوہری برادری نے مساجد میں عیدالاضحیٰ کی نماز مذہبی عقیدت و احترام کے ساتھ ادا کی، صدر کے علاقے میں بوہری برادری کی مرکزی طاہری مسجد میں بھی عید کی نماز کا بڑا اجتماع ہوا۔
عید الاضحیٰ کی نماز کے بعد بوہری برادری کی جانب سے سنت ابراہیمیؑ کی ادائیگی کے حوالے سے قربانی کا سلسلہ جاری ہے۔
