جسٹس احمد علی شیخ نے سندھ ہائیکورٹ کے نئے چیف جسٹس کا حلف اٹھا لیا

جسٹس احمد علی شیخ نے سندھ ہائیکورٹ کے نئے چیف جسٹس کا حلف اٹھا لیا

کراچی(این این آئی)جسٹس احمد علی شیخ نے سندھ ہائیکورٹ کے نئے چیف جسٹس کی حیثیت سے حلف اٹھا لیا،گورنرسندھ محمد زبیر نے ان سے عہدے کا حلف لیا۔ سندھ ہائیکورٹ میں گزشتہ روز ہونے والی حلف برداری کی تقریب میں جسٹس احمد علی شیخ نے سندھ ہائیکورٹ کے 23ویں چیف جسٹس کی حیثیت سے عہدے کا حلف اٹھایا۔تقریب میں وزیراعلی سندھ سید مراد علی شاہ سمیت ہائیکورٹ کے ججز اور سینئر وکلا کی بڑی تعداد نے شرکت کی ۔جسٹس احمد علی ایم شیخ 3 اکتومبر 1961کو لاڑکانہ میں پیدا ہوئے،انہوں نے گریجویشن تک تعلیم لاڑکانہ میں حاصل کی جبکہ قانون کی تعلیم شاہ لطیف یونیورسٹی خیرپورسے حاصل کی ۔جسٹس احمد علی شیخ نے 1990 میں بطوروکیل پریکٹس شروع کی اور3 ستمبر 2009 میں سندھ ہائیکورٹ کے جج مقررہوئے،وہ 2 اکتوبر 2023تک فرائض انجام دیں گے۔

مزید : علاقائی


loading...