”اگر یہ کام نہ ہواتو ۔۔۔“وزیراعظم نے وفاقی وزیر کو دھمکی دیدی
گوادر(ڈیلی پاکستان آن لائن)وزیراعظم میاں نواز شریف نے گواد رمیں جلسہ عام سے خطاب کے دوران گوادر کے ذہین طلباءکو ملک کی بہترین یونیورسٹیوں میں داخلہ دلوانے کا اعلان کیا ۔اس موقع پر وزیراعظم نے خوشگوار موڈ میں وفاقی وزیر احسن اقبال کو دھمکی آمیز انداز سے مخاطب کرتے ہوئے کہا کہ یہ احسن اقبال کی ذمہ داری ہے کہ طلباءکو یونیورسٹیوں میں داخلہ دلوائیں اور اگر انہوں نے ایسا نہ کیا تو آپ سب جانتے ہیں کہ ان کے ساتھ کیا ہوگا اور ان سے اس بارے جواب طلب کیا جائے گا لیکن اگر احسن اقبال نے اس ہدایت پر عملدرآمد کیا تو ان کے سر پر تاج پہنایا جائے گا۔