دوسری شادی کرنیوالے پاکستانی دولہا کے ارمانوں پر پانی پھر گیا، دلہن خواجہ سرا نکلی

دوسری شادی کرنیوالے پاکستانی دولہا کے ارمانوں پر پانی پھر گیا، دلہن خواجہ ...
دوسری شادی کرنیوالے پاکستانی دولہا کے ارمانوں پر پانی پھر گیا، دلہن خواجہ سرا نکلی

  



جہلم(ڈیلی پاکستان آن لائن) دوسری شادی کرنے والے دولہا کے ارمانوں پر پانی پھرگیا اور دلہن ہی خواجہ سرا نکلی ۔ 

ہم نیوز کے مطابق  جہلم کے علاقے کالا گجراں کے سجاد کی شادی دو دن قبل سوہاوہ کی نازیہ سے ہوئی تھی،  رخصتی کے بعد گھر آکر دولہا سجاد کو معلوم ہوا کہ دلہن کے نام پر اس کی شادی خواجہ سرا سے کرادی گئی ہے لیکن شرمندگی کے مارے کسی کو بتا نہ سکا اور شیڈول کے مطابق ہی ولیمہ بھی کردیا، بعد میں ولیمے کی تقریب کے بعد خواجہ سرا دلہن کو اس کے میکوں کیساتھ ہی بھیج دیا، دلہن پہلے بھی مطلقہ تھی۔ 

میڈیا رپورٹس کے مطابق  دولہا سجاد کا کہنا ہے کہ پندرہ ماہ پہلے پہلی بیوی کی وفات کے بعد اس نے بچوں کی دیکھ بھال کے لیے دوسری شادی کی تھی لیکن گھر آکر معلوم ہوا کہ دلہن لڑکی نہیں خواجہ سرا ہے، دلہن کے خواجہ سرا ہونے کے انکشاف کے بعد اس نے نازیہ کو اس کے میکے بھیج دیا ہے۔

دولہا سجاد کے قریبی ذرائع کا کہنا ہے کہ رشتہ دونوں کے پیر نے کرایا تھا جس کی وجہ سے زیادہ چھان بین بھی نہیں کی گئی تھی، بچوں کی دیکھ بھال اور ضرورت کو سامنے رکھتے ہوئے پیروں نے ہی شادی کا مشورہ دیا تھا۔ 

مزید : ڈیلی بائیٹس