شہباز گل ہائیکورٹ میں سیاہی اور انڈے مارنے والے لیگی کارکنان کے ساتھ کیا کرنے جارہے ہیں ؟ جان کر عمران خان بھی انہیں داد دیں گے 

شہباز گل ہائیکورٹ میں سیاہی اور انڈے مارنے والے لیگی کارکنان کے ساتھ کیا ...
شہباز گل ہائیکورٹ میں سیاہی اور انڈے مارنے والے لیگی کارکنان کے ساتھ کیا کرنے جارہے ہیں ؟ جان کر عمران خان بھی انہیں داد دیں گے 

  

لاہور(ڈیلی پاکستان آ ن لائن )حکومتی ترجمان اور وزیراعظم عمران خان کے معاون خصوصی ڈاکٹر شہباز گل نے لاہور ہائیکورٹ میں ان پر سیاہی اور انڈے پھینکنے والے افراد کو معاف کرنے کا اعلان کر دیاہے ۔

تفصیلات کے مطابق ٹویٹر پر جاری پیغام میں ڈاکٹر شہباز گل کا کہناتھا کہ کل عدالت میں لیگی قیادت کی ایماء پرمجھ پرحملہ کیا گیا، اخلاق سے گرے لوگ غریب دیہاڑی دار افراد خصوصاً خواتین کا استعمال کر رہے ہیں۔میں حملہ کرنے والوں کو معاف کرتا ہوں،میں کسی غریب اور نا سمجھ کو جیل میں نہیں دیکھنا چاہتا۔پولیس سے گذارش ہے کہ ان کے ساتھ کوئی برا سلوک نہ کیا جائے۔

یاد رہے کہ گزشتہ روز شہباز گل لاہور ہائیکورٹ کی جانب سے طلب کیے جانے پر عدالت پہنچے جہاں لیگی کارکنوں نے مبینہ طور پر ان پر سیاہی اور انڈے پھینکے ، سیاہی کے باعث شہباز گل کی آنکھ میں انفیکشن بھی ہو گیا تاہم اب انہوں نے بڑے دل کا مظاہرہ کرتے ہوئے حملہ کرنے والے لیگی کارکنا ن کو معاف کر دیا ہے اور پولیس سے ان کو رہا کرنے کی بھی اپیل کی ہے ۔

مزید :

اہم خبریں -قومی -