حویلی آزاد کشمیر میں کوسٹر کھائی میں جاگری، 5 افراد جاں بحق

باغ (ڈیلی پاکستان آن لائن )آزاد کشمیر کے ضلع حویلی میں کوسٹر کھائی میں گرنے سے 5 افراد جاں بحق اور 3 زخمی ہو گئے۔
نجی ٹی وی جیو نیوز نے پولیس کنٹرول روم کے حوالے سے بتایا کہ حویلی میں کوسٹر کے کھائی میں گرنے کا واقعہ پھسلن کی وجہ سے پیش آیا، ڈرائیور گاڑی پر قابو نہ رکھ سکا اور گاڑی کھائی میں جاگری۔
پولیس کنٹرول روم کا بتانا ہے کہ حادثے کے زخمیوں کو ہسپتال منتقل کرنے کے لئے مقامی افراد اور امدادی ٹیمیں جائے حادثہ پر موجود ہیں۔
ریسکیو ذرائع کے مطابق حادثے کا شکار ہونے والی گاڑی فارورڈ کہوٹہ سے راولپنڈی جا رہی تھی کہ حویلی میں محمود گلی کے قریب کھائی میں جا گری۔