کیلی فورنیا، پولیس کارروائی، لکڑی کے گرم صندوق سے 5زندہ بچے برآمد

کیلی فورنیا، پولیس کارروائی، لکڑی کے گرم صندوق سے 5زندہ بچے برآمد

  

کیلی فورنیا(آئی این پی) امریکی ریاست میں پولیس نے ایک ٹرک میں رکھے لکڑی کے بڑے صندوق سے 5 بچے برآمد کر لیے، بچے بغیر ہوا اور پانی کے 100 ڈگری درجہ حرارت والے باکس میں بند کیے گئے تھے۔غیر ملکی میڈیا کے مطابق کیلی فورنیا پولیس نے بچوں کو خطرے سے دوچار کرنے کے الزامات میں 3 افراد کو گرفتار کر لیا ہے، ملزمان ایک پک اپ ٹرک میں پانچ بچوں کو بغیر وینٹی لیشن اور پانی کے لکڑی کے صندوق میں بند کر کے لے جا رہے تھے۔پولیس کے مطابق چند دن قبل انھیں ایک سروس کال موصول ہوئی، جب وہ موقع پر پہنچے پر تو انھوں نے وہاں پانچ بچوں کو پایا جن کی عمریں ایک سال سے 13 سال کے درمیان تھیں، اور وہ ٹرک کی فرش سے جڑے لکڑی کے باکس میں بند تھے۔پولیس کا کہنا تھا کہ اس وقت وہاں سو ڈگری سینٹی گریڈ درجہ حرارت تھا، پولیس کو ٹرک سے غیر قانونی منشیات اور ایک شارٹ گن بھی ملی، پولیس نے چالیس سالہ کینیتھ اسٹینڈریج، 39 سالہ زونا بریزر، اور اکتالیس سالہ اوشاجون ہارڈی کو گرفتار کیا۔

لیس کا کہنا تھا کہ تینوں ملزمان کا تعلق ٹرک سے ملے بچوں کے ساتھ ہے، ایک ملزم پر آتشی ہتھیار رکھنے کے جرم اور نشے کی حالت میں گاڑی چلانے کے شبے کے الزامات بھی لگائے گئے ہیں۔

مزید :

علاقائی -