جیل میں موبائل سمگل کرنے والی بی مانو پکڑی گئی
نیویارک (ویب ڈیسک) جیل میں موبائل فون سمگل کرنے والی بی مانو پکڑی گئی۔تفصیلات کے مطابق روس کی ایک جیل میں موبائل فون کی سمگل کرتے ہوئے بی مانو کو رنگے ہاتھوں پکڑ لیا گیا ہے ۔ جیل کی انتظامیہ کے مطابق ایک سابق قیدی نے اپنے ساتھیوں کوجیل کے اندر موبائل فون پہنچانے کیلئے اس بلی کا استعمال کیا اور اس کے پیٹ پر موبائل رکھ کر ٹیپ میں لپیٹ دیا گیا۔ پولیس نے بی مانو کو موبائل کے ساتھ اپنی حراست میں لے لیا ہے لیکن اب معلوم نہیں کہ اسے سزا ہوگی یا اس کے سابق ریکارڈ کو مدنطر رکھتے ہوئے بخش دیا جائے گا۔