ننکانہ صاحب کو مثالی ضلع کا درجہ دلانے کیلئے ترقیاتی منصوبوں مکمل کررہے ہیں، سرور شاہ

ننکانہ صاحب کو مثالی ضلع کا درجہ دلانے کیلئے ترقیاتی منصوبوں مکمل کررہے ہیں، ...

  



لاہور(پ ر) ہم ننکانہ صاحب کو پاکستان کے مثالی ضلع کا درجہ دلانے کے لیے بیشمار ترقیاتی منصوبوں کے لیے مصروف ہیں تاکہ ماضی میں نظرانداز ہونے والے اس ضلع کو تیزی سے ترقی کرنے والے اضلاع کی صف میں شامل کیا جاسکے۔ ان خیالات کا اظہار ننکانہ صاحب کے متحرک نوجوان سیاسی راہنما اور وفاقی وزیرداخلہ اعجاز احمد شاہ کے کوآرڈینٹر پیر سرور شاہ نے ایک بیان میں انھوں نے کہا کہ صوبائی دارالحکومت سے کچھ فاصلے پر واقع ہونے کی وجہ سے اس ضلع کا بہت زیادہ انحصار لاہور پر تھا۔ جسکی وجہ سے یہ اتنی تیزی سے ترقی کی منزلیں طے نہیں کرسکا جتنا اس ضلع کا حق تھا۔

پیر سرور شاہ نے کہا کہ بابا گورونانک کی جنم بھومی کے حوالے سے عالمی شہرت کے باوجود ننکانہ صاحب ذرائع آمدورفت تعلیم صحت اور روزگار کے حوالے سے پسماندگی کا شکار رہا ہے جولائی 2005 میں موجودہ وفاقی وزیرداخلہ بریگیڈیر اعجاز احمد شاہ نے اپنی ذاتی کوششوں سے ننکانہ صاحب کو ضلع کا درجہ دلاکر اس کی ترقی کی بنیاد رکھی۔وفاقی وزیر داخلہ کے کوآرڈینٹیر پیر سرور شاہ نے مزید کہا کہ صحت کی سہولیات کے لیے ڈسٹرکٹ ہیڈکواٹر ہسپتال کے قیام اور این اے 118 کے درجنوں دیہاتوں اور قصبوں تک پختہ سڑکوں کی تعمیر کے بعد اب ننکانہ صاحب میں بین الاقوامی معیار کی بابا گورونانک یونی ورسٹی کا سنگ بنیاد جناب عمران خان وزیراعظم پاکستان نے رکھ دی ہے یونی ورسٹی کے قیام کے بعد ہم تعلیمی پسماندگی کی وہ زنجیر توڑنے میں کامیاب ہوجائیں گے جس کی وجہ سے ہمارا ضلع باقی اضلاع سے بہت پیچھے تھا۔ پیر سرور شاہ نے مزید کہا کہ وزیرداخلہ صاحب کی پوری کوشش ہے کہ ضلع ننکانہ کو ورثے میں ملنے والے تمام مسائل کو مرحلہ وار لیکن ہنگامی بنیادوں پر حل کیا جائے تاکہ اہلیان ضلع ننکانہ کی مشکلات کم ہوجائے۔ پیر سرور شاہ نے مزید کہا کہ بریگیڈیر اعجاز شاہ کی انتھک محنت اور مسلسل کوششوں سے ضلع کے دیرینہ مسائل حل ہونے کے ساتھ ساتھ تعمیروترقی کا روشن باب کا آغاز ہونے جارہا ہے۔

مزید : میٹروپولیٹن 1