لاہورکا فضائی آلودگی میں دوسرا نمبر بر قرار، ایئر کوالٹی انڈیکس 300ریکارڈ

لاہورکا فضائی آلودگی میں دوسرا نمبر بر قرار، ایئر کوالٹی انڈیکس 300ریکارڈ

  



 لاہور(مانیٹرنگ ڈیسک) لاہور اب بھی فضائی آلودگی کی فہرست میں دوسرے نمبر پر ہے، سموگ کے باعث شہر کے تمام سکولز آج دوسرے روز بھی بند رہیں گے۔رات گئے بارش سے پنجاب میں سموگ کی شدت میں معمولی کمی ہوئی تاہم افق پر سموگ اب بھی برقرار ہے، لاہور کا اوسطاً ائیر کوالٹی انڈیکس 300 ریکارڈ کیا گیا، گلبرگ کا علاقہ 434 اے کیو آئی کے ساتھ آلودگی میں سرفہرست، ائیر پورٹ سے ملحقہ علاقوں کا اے کیو آئی 426، اپر مال کے علاقہ کا ائیر کوالٹی انڈیکس 314 ریکارڈ کیا گیا۔پنجاب اسمبلی اور چیئرنگ کراس کا اے کیو آئی 411، سندر انڈسٹریل اسٹیٹ 349 اور اقبال ٹاؤن 347 اور واہگہ کے سرحدی علاقوں میں ائیر کوالٹی انڈیکس 361 ریکارڈ کیا گیا۔ محکمہ موسمیات کی بارش کی پیشگوئی کسی حد تک درست تو ثابت ہوئی لیکن شہریوں کو بدستور سموگ کے باعث مشکلات کا سامنا ہے۔

لاہور سموگ

مزید : صفحہ اول