نواز شریف علیل، آرام کا مشورہ کلثوم نواز کا روحانی علاج بھی شروع

لندن (ویب ڈیسک) سابق وزیراعظم نواز شریف اہلیہ کی بیماری، سیاسی دباﺅ اور آرام نہ کرنے کے سبب علیل ہوگئے۔ ڈاکٹروں کی نگرانی میں ہیں، ہر دو گھنٹے پر ان کا بلڈ پریشر اور شوگر لیول چیک کیا جاتا ہے۔

روزنامہ نوائے وقت کے مطابق ڈاکٹروں نے نواز شریف کو آرام کا مشورہ دیدیا۔ عارضی طور پر سیاسی سرگرمیاں معطل کردی گئی ہیں، ذاتی معالج ساتھ ہے، کچھ دنوں سے سینے میں تکلیف کی شکایت بھی تھی۔ ادھر بیگم کلثوم کے گلے کے کینسر کا علاج کیموتھراپی سے ہورہا ہے لیکن اس کے ساتھ روحانی علاج بھی ہورہا ہے۔ برمنگھم میں روحانی سکالر پیر عثمان غنی ان کا روحانی علاج کررہے ہیں۔

یہ خبر بھی پڑھیں: لندن میں نوازشریف رنگے ہاتھوں پکڑے گئے، جرمانہ کردیاگیا

پیر عثمان غنی کا کہنا ہے کہ  بیگم کلثوم نواز ان کی ماں کی طرح ہیں، ان کا قرآنی آیات سے بھی علاج جاری ہے۔ اب وہ پہلے سے کافی بہتر ہیں، انشاءاللہ بہت جلد مکمل ٹھیک ہوجائیں گی۔ بیگم کلثوم نواز کے گلے کے کینسر کے علاج کیلئے 16 تا 18 ہفتے درکار ہیں۔ ان کی کیموتھراپی کے دو سیشن مکمل ہوچکے ہیں لیکن مزید کئی سیشن باقی ہیں۔ اخبار کے مطابق اسلئے نواز شریف گاہے بگاہے مسلم لیگ (ن) کی قیادت کو لندن بلاتے رہیں گے۔