ہوتی ہے تیرے نام سے وحشت کبھی کبھی |ناصر کاظمی |

ہوتی ہے تیرے نام سے وحشت کبھی کبھی
برہم ہوئی ہے یوں بھی طبیعت کبھی کبھی

اے دل کسے نصیب یہ توفیقِ اضطراب
ملتی ہے زندگی میں یہ راحت کبھی کبھی

جوشِ جنوں میں درد کی طغیانیوں کے ساتھ
آنکھوں میں ڈھل گئی تیری صورت کبھی کبھی

تیرے قریب رہ کے بھی دل مطمئن نہ تھا
گزری ہے مجھ پہ بھی یہ قیامت کبھی کبھی

کچھ اپنا ہوش تھا نہ تمہارا خیال تھا
یوں بھی گزر گئی شبِ فرقت کبھی کبھی

اے دوست ہم نے ترکِ محبت کے باوجود
محسوس کی ہے تیری ضرورت کبھی کبھی

شاعر: ناصر کاظمی

(شعری مجموعہ:برگِ نے؛سالِ اشاعت،1990 )

Hoti   Hay   Teray   Naam   Say   Wehshat    Kabhi   Kabhi 

Barham   Hui   Hay   Yun   Bhi   Tabeat   Kabhi   Kabhi

 Ay   Dil    Kisay   Naseeb   Yeh    Taofeeq-e-Iztaraab

Milti   Hay   Zindagi   Men   Yeh   Rahat   Kabhi   Kabhi

 Josh-e-Junoon   Men   Dard   Ki   Tughyaanion   K  Saath

Aankhon   Men   Dhall   Gai   Teri   Soorat   Kabhi   Kabhi

 Teray   Qareeb   Reh   K   Bhi   Dil   Mutmain   Na   Tha

Guzri   Hay   Mujh   Pe   Bhi   Yeh   Qayaamat   Kabhi   Kabhi

 Kuchh   Apna   Hosh   Tha   Na   Tumhaara    Khayaal   Tha

Yun   Bhi   Guzar   Gai   Shab-e-Furqat   Kabhi   Kabhi

 Ay   Dost   Ham   Nay   Tark-e-Muhabbat   K   Bawajood

Mehsoos    Ki   Hay  Teri   Zaroorat   Kabhi   Kabhi

 Poet: Nasir   Kazmi