سفر میں دھوپ تو ہوگی جو چل سکو تو چلو |ندافاضلی|

سفر میں دھوپ تو ہوگی جو چل سکو تو چلو
سبھی ہیں بھیڑ میں تم بھی نکل سکو تو چلو

کسی کے واسطے راہیں کہاں بدلتی ہیں
تم اپنے آپ کو خود ہی بدل سکو تو چلو

یہاں کسی کو کوئی رستہ نہیں دیتا
مجھے گرا کے اگر تم سنبھل سکو تو چلو

کہیں نہیں کوئی سورج ، دھواں دھواں ہے فضا
خود اپنے آپ سے باہر نکل سکو تو چلو

یہی ہے زندگی کچھ خواب چند امیدیں
اِنہی کھلونوں سے تم بھی بہل سکو تو چلو

   

شاعر: ندا فاضلی

(شعری مجموعہ:آنکھ اور خواب کے درمیان؛سالِ اشاعت،1986 )

Safar   Men   Dhoop   To   Ho   Gi   Jo   Chall   Sako   To   Chalo

Sabhi   Hen   Bheerr   Men   Tum   Bhi   Nikall   Sako   To   Chalo

 Kisi   K   Waastay   Raahen    Kahan    Badalti   Hen

Tum   Apnay   Aap   Ko   Khud    Hi    Badall   Sako   To   Chalo

 Yahan   Kisi   Ko   Koi   Rasta   Nahen   Daita

Mujhay   Gira    K   Agar    Sanbhall   Sako   To   Chalo

 Kahen   Nahen   Koi    Sooraj ,  Dhuwan   Dhuwan   Hay   Faza

Khud   Apnay   Aap   Say   Baahar   Nikall   Sako   To   Chalo

 Yahi   Hay   Zindagi   Kuchh   Khaab   Kuchh   Umeeden

Inhen   Khilonon   Say   Tum   Bhi    Bahall   Sako   To   Chalo

 Poet: Nida   Fazli