اب خوشی ہے نہ کوئی درد  رُلانے والا |ندافاضلی|

اب خوشی ہے نہ کوئی درد  رُلانے والا
ہم نے اپنا لیا ہر رنگ زمانے والا

ایک بے چہرہ سی امید ہے چہرہ چہرہ
جس طرف دیکھیے آنے کو ہے آنے والا

اُس کو رخصت تو کیا تھا مجھے معلوم نہ تھا
سارا گھر لے گیا گھر چھوڑ کے جانے والا

دُور کے چاند کو ڈھونڈو نہ کسی آنچل میں
یہ اُجالا نہیں آنگن میں سمانے والا

اک مسافر کے سفر جیسی ہے سب کی دُنیا
کوئی جلدی میں کوئی دیر سے جانے والا

شاعر: ندا فاضلی

(شعری مجموعہ:آنکھ اور خواب کے درمیان؛سالِ اشاعت،1986 )

Ab   Khushi   Hay   Na   Koi   Dard   Rulaanay   Waala

Ham   Nay   Apnaa   Liya   Har   Rang   Zamaanay   Waala

 Aik   Be Chehra   Si   Umeed   Hay   Chehra   Chehra

Jiss   Taraf    Daikhiay   Aanay   Ko   Hay   Aaaay   Waala

 Uss   Ko     Rukhsat   To   Kiya   Tha  Mujhay   Maloom   Na   Tha

Saara   Ghar   Lay   Gaya   Ghar   Chhorr   K   Jaanay   Waala

 Door   K   Chaand   Ko   Dhoondo   Na   Kisi   Aanchall    Men

Yeh   Ujaala   Nahen   Aangan   Men   Samaanay    Waala

Ik   Musaafir   K   Safar   Jaisi   Hay   Sab   Ki   Dunya 

Koi   Jaldi   Men   Koi   Dair   Say   Jaanay   Waala

 Poet: Nida   Fazli