نظر اٹھا کے مرے سامنے کھڑے ہو تم | ندیم بھابھہ|

نظر اٹھا کے مرے سامنے کھڑے ہو تم
مجھے خبر ہے کہ پہلے سے اب بڑے ہو تم

یہ ٹہنیاں نہیں دیکھو تو میری بانہیں ہیں
اور ان سے پھول نہیں دوستو جھڑے ہو تم

سنا ہے اس نے کہیں اور دل لگا لیا ہے
وہ جس کے واسطے آپس میں لڑ پڑے ہو تم

مہک بتاتی ہے اس کی گلی میں رہتے ہو
تو پھر گلے سے لگو، دور کیوں کھڑے ہو تم

بندھے ہوئے مرے ہاتھوں پہ ایک بوسہ دو
کہ اس انگوٹھی میں پتھر نہیں جڑے ہو تم

شاعر:  ندیم بھابھہ

(ندیم بھابھہ کی وال سے)

Nazar   Uthaa   K   Miray   Saamnay   Kharray   Ho   Tum

Mujhay   Khabar   Hay   Keh   Pehlay   Say   Ab   Barray   Ho   Tum

 Yeh   Tehniyaan    Nahen   Dekho   To   Meri   Baahen   Hen

Aor   In   Say   Phool   Nahen   Dosto   Jharray   Ho   Tum

 Suna   Hay   Uss   Nay   Kahen   Aor   Dil    Lagaa   Liya   Hay

Wo   Jiss   K   Waastay   Aapas   Men    Larr   Parray   Ho   Tum

Mahak   Bataati   Hay   Uss   Ki   Gali   Men    Rehtay   Ho

To   Phir   Galay   Say    Lago  ,   Door   Kiun   Kharray   Ho   Tum

 Bandhay   Huay   Miray   Haathon   Pe   Aik   Bosa   Do

Keh   Iss    Angoothi   Men   Pathar    Nahen    Jarray   Ho   Tum

 Poet: Nadeem   Bhabha