جب کھلا بادبان ہاتھوں میں | نذیر قیصر|
جب کھلا بادبان ہاتھوں میں
آ گیا آسمان ہاتھوں میں
شعلہ تھا وہ گلاب تھا کیا تھا
پڑ گئے ہیں نشان ہاتھوں میں
گرتے جاتے ہیں پھول بستر پر
کھلتا جاتا ہے تھان ہاتھوں میں
اس نے ہاتھوں پہ ہونٹ کیا رکھے
آ گئی ساری جان ہاتھوں میں
پھول کیا کیا کھلاتی جاتی ہے
کوئی شاخِ گمان ہاتھوں میں
وہی رستہ وہی ہوا قیصرؔ
اور وہی شمع دان ہاتھوں میں
شاعر: نذیر قیصر
(شعری مجموعہ:اے شام ہم سخن ہو؛سالِ اشاعت،1997 )
Jab Khula Baadbaan Hathon Men
Aa Gaya Aasmaan Hathon Men
Shola Tha Wo Gulaab Tha Kaya Tha
Parr Gaey Hen Nishaan Hathon Men
Girtay Jaatay Hen Phool Bistar Par
Khulta Jaata Hay Thaan Hathon Men
Uss Nay Haathon Pe Phool Kaya Rakhay
Aa Gai Saari Jaan Hathon Men
Phool Kaya Kaya Khilaati Jaati Hay
Koi Shaakh-e-Gumaan Hathon Men
Wahi Rasta Wahi Hawaa QAISAR
Aor Wahi Shama Daan Hathon Men
Poet: Nazeer Qaisar