شبِ غم مری شبِ غم سر شام لوٹ آنا |نشور واحدی|
شبِ غم مری شبِ غم سر شام لوٹ آنا
نہ کہیں ترا ٹھکانا، نہ کہیں مرا ٹھکانا
تجھے حسن وعشق دونوں ہی عطا ہوئے یہ کہہ کر
یہ چمن ہے مسکرانا، یہ ندی ہے ڈوب جانا
کوئی آج تک نہ سمجھا کہ شباب ہے تو کیا ہے
یہی عمر جاگنے کی یہی نیند کا زمانہ
جو ذرا سی آنکھ کھولی تو ہزار حشر دیکھے
یہ خودی جو سو رہی ہے اسے اب نہ پھر جگانا
شاعر: نشور واحدی
Shab-e-Gham Miri Shab-e-Gham Sar-e-Shaam Laot Aana
Na Kahen Tira Thikaana , Na Kahen Mira Thikaana
Tujhay Husn-o-Eshq Donon Hi Ataa Huay Yeh Keh Kar
Yeh Chaman Hay Muskuraana , Yeh Nadi Hay Doob Jaana
Koi Aaj Tak Na Samjha Keh Shabaab Hay To Kaya Hay
Yahi Umr Jaagnay Ki Yahi Neend Ka Zamaana
Jo Zaraa Si Aankh Kholi To Hazaar Hashr Daikhay
Yeh Khudi Jo So Rahi Hay Usay Ab Na Jagaana
Poet: Nashoor Wahidi