جسٹن ٹروڈو کا غزہ کی پٹی میں سنگین انسانی صورتحال پر شدیداظہار تشویش 

اوٹاوا (آن لائن ) کینیڈین وزیراعظم جسٹن ٹروڈو نے کہا ہے کینیڈا کو غزہ کی پٹی میں سنگین انسانی صورتحال پر گہری تشویش ہے۔سماجی رابطے کی ویب سائٹ ایکس پر جاری کردہ ٹویٹ میں انہوں نے فلسطین اسرائیل کشیدگی سے متعلق اظہار خیال کیااور کہا شہریوں کی فوری ضروریات کو پورا کرنے کیلئے بغیر کسی روک ٹوک کے انسانی رسائی ضروری ہے۔ کینیڈا بین الاقوامی قانون بشمول انسانی حقوق کے قانون کا احترام کرنے کا مطالبہ کرتا ہے، ہم خطے میں اتحادیوں اور شراکت داروں کےساتھ مسلسل رابطے میں ہیں، کینیڈین شہر یو ں کے اسرائیل، مغربی کنارے، اور غزہ کی پٹی سے جلد اور محفوظ طریقے سے واپس آنے کے حوالے سے مدد جاری رکھے ہوئے ہیں۔ 

جسٹن ٹروڈو