پاکستان میں فیشن انڈسٹری کو مضبوط کرنے کی ضرورت ہے، نادیہ 

لاہور( فلم رپورٹر )نامور ماڈل نادیہ حسین نے کہا ہے کہ پاکستان میں فیشن انڈسٹری کو مضبوط کرنے کےلئے حکومتی سطح پر اقدامات ناگزیر ہیں‘ماڈلنگ کے شعبہ میں ہر روز نیا ٹیلنٹ سامنے آ رہا ہے اگر اس کو اجاگر کر دیا جائے تو دنیا کی کوئی فیشن انڈسٹری ہمارا مقابلہ نہیں کر سکے گی۔اپنے ایک انٹرویو کے دوران نادیہ حسین نے کہاکہ بدقسمتی سے جو حالات پاکستان فلم انڈسٹری کے ہیں اس کے اثرات شوبز کے دیگر حصوں پر بھی پڑ رہے ہیں ۔انہوں نے کہاکہ فیشن انڈسٹری میں کام کرنے کے بہت زیادہ مواقع ہیں لیکن اس کےلئے ضرورت اس بات کی ہے کہ حکومت فیشن انڈسٹری کے ٹیلنٹ کو آگے بڑھنے کےلئے زیادہ سے زیادہ مواقع فراہم کرے جس کے لئے حکومتی سطح پر باقاعدہ اقدامات کی ضرورت ہے مزید کہا کہ میں نے فیشن انڈسڑی میں مقام بہت محنت سے حاصل کیا ہے جس کی بہت خوشی محسوس ہوتی ہے میری مستقبل میں بھی یہ ہی کوشش ہوگی کہ میں اسی طرح سے محنت سے کامیابیو ں کا سلسلہ جاری رکھوں ۔