سندھ: ایکسائز ٹیکس وصولی کی تفصیلات سامنے آ گئیں

کراچی(این این آئی)ایکسائز اینڈ ٹیکسیشن سندھ کے ڈی جی اورنگزیب پنہور نے ٹیکسز وصولی کی تفصیلات جاری کر دیں۔اورنگزیب پنہور نے بتایا ہے کہ ٹیکس وصولی تفصیلات رواں مالی سال جولائی 2023 سے ستمبر 2023 تک کی ہیں۔انہوں نے بتایا ہے کہ ستمبر تک مجموعی طور پر 34 ارب 63 کروڑ 34 لاکھ روپے ٹیکس وصول کیا گیا، موٹر وہیکل ٹیکس کی مد میں 2 ارب 53 کروڑ روپے سے زائد کا ٹیکس وصول کیا گیا۔اورنگزیب پنہور نے مزید بتایا کہ انفرا اسٹرکچر ٹیکس کی مد میں 30 ارب 12 کروڑ روپے سے زائد ٹیکس وصول کیا جبکہ پروفیشنل ٹیکس کی مد میں 23 کروڑ روپے سے زائد اور کاٹن فیس کی مد میں 1 کروڑ 92 لاکھ روپے کا ٹیکس وصول کیا گیا۔انہوں نے کہا کہ انٹرٹینمنٹ ڈیوٹی کی مد میں 2 کروڑ 17 لاکھ روپے سے زائد جبکہ باقی رقم دیگر ٹیکسز کی مد میں وصول ہوئی۔