کے پی ٹی کرپشن ،بابر غوری سمیت 8ملزمان کے خلاف ریفرنس دائر

کے پی ٹی کرپشن ،بابر غوری سمیت 8ملزمان کے خلاف ریفرنس دائر

کراچی (اسٹاف رپورٹر) احتساب عدالت نے نیب کی درخواست پر ایم کیوایم کے رہنما اور سابق وفاقی وزیرپورٹ اینڈ شپنگ بابرغوری سمیت 8 افراد کے خلاف رنفرنس دائر کرلیا ہے۔تفصیلات کے مطابق کراچی کی احتساب عدالت نے احتساب عدالت نے قومی احتساب بیور( نیب) کی درخواست پر ایم کیوایم کے رہنما اور سابق وفاقی وزیرپورٹ اینڈ شپنگ بابرغوری سمیت 8 افراد کے خلاف مبینہ کرپشن کا ریفرنس دائر کرلیا ہے جب کہ بابر غوری کے ناقابلِ ضمانت وارنٹ گرفتاری بھی جاری کردیئے گئے ہیں۔نیب کی جانب سے دائر ریفرنس میں بابرغوری سمیت 8 ملزمان کو نامزد کیا گیا ہے، دیگر ملزمان میں رف اختر فاروقی، ایم کیو ایم کے رکن اسمبلی جاوید حنیف اور سابق چیئرمین کے پی ٹی جاوید حنیف شامل ہیں۔ریفرنس میں کہا گیا ہے کہ ملزمان پر 2012 میں کے پی ٹی میں 940 غیر قانونی بھرتیوں کا الزام ہے اور ملزمان نے قومی خزانے کو دو ارب 88 کروڑ 55 لاکھ روپے کا نقصان پہنچایا۔ عدالت نے ریفرنس سماعت کے لئے منظور کرلیا ہے اور سابق وفاقی وزیر بابر غوری کے ناقابلِ ضمانت وارنٹ گرفتاری بھی جاری کردیئے۔

مزید : راولپنڈی صفحہ آخر