پولیس اہلکار نے فائرنگ کر کے نوجوان کو قتل کر دیا
فیصل آباد(ڈیلی پاکستان آن لائن) فیصل آباد کے تھانہ نشاط آباد کے علاقہ میں دیرینہ رنجش پر پولیس اہلکاروں کی مبینہ فائرنگ سے نوجوان جاں بحق، پولیس نے اپنے ہی پیٹی بھائی کو حراست میں لے کر کاروائی شروع کر دی۔
دنیا نیوز کے مطابق تھانہ نشاط آباد کے علاقہ چک نمبر 8 کا رہائشی مزمل اپنے بھائی کے ہمراہ موٹر سائیکل پر سوار جا رہا تھا کہ اسی دوران ان کے مخالفین نے دونوں بھائیوں پر فائرنگ کر دی جس سے 22 سالہ مزمل شدید زخمی ہو گیا،مزمل کو زخمی حالت میں ہسپتال منتقل کیا گیا مگر زخموں کی تاب نہ لاتے ہوئے دم توڑ گیا۔ مقتول کے ورثا کا کہنا تھا کہ فائرنگ کرنے والوں میں شامل شعیب اور امجد پولیس اہلکار ہیں جنہوں نے فائرنگ کے وقت پولیس یونیفارم بھی پہن رکھی تھی۔ پولیس نے ملزم شعیب کو حراست میں لے کر کارروائی شروع کر دی۔
