مطالعاتی دورہ 

 مطالعاتی دورہ 

  

 لا ہو ر (کر ائم رپو رٹر)پاکستان رینجرز اکیڈمی کے 21 رکنی آفیسرز کے وفد نے پنجاب سیف سٹیز اتھارٹی کا مطالعاتی دورہ کیا۔ اس موقع پرچیف آپریٹنگ آفیسرمحمدکامران خان نے وفد کو پراجیکٹ کے بارے میں بریفنگ دی۔ رینجرزکے پروموشن کیلئے زیر تربیت افسران کو پنجاب سیف سٹیز اتھارٹی کے آپریشنز اینڈ مانیٹرنگ سینٹر اور ویڈیو کنٹرول سنٹرکا دورہ کروایا گیا۔

 وفد کو کیمروں کی مانیڑنگ، ایڈوانس ٹریفک مینجمنٹ سسٹم اورآٹو میٹک نمبر پلیٹ ریکگنائزشن سسٹم کے بارے میں بھی بتایا گیا۔ رینجرز وفد کو سکیورٹی کی صورتحال میں سیف سٹیز منصوبے کی افادیت بارے بریفنگ دی گئی۔ اس موقع پر دورہ پر آئے افسران نے سیف سٹیز پراجیکٹ میں گہر ی دلچسپی کا اظہار کیا۔ وفد کے شرکاء نے کہا کہ ادارے کی پیشہ ورانہ صلاحیت قابل دید ہے۔ رینجرزافسران نے موجودہ حالات میں سکیورٹی انتظامات کو بہتر بنانے کیلئے پنجاب سیف سٹیز پراجیکٹ کو نہایت موثر قرار دیا۔ دورے کے اختتام پررینجرز وفد اورپنجاب سیف سٹیز اتھارٹی کے مابین یادگاری شیلڈز کا تبادلہ بھی کیا گیا۔ 

مزید :

علاقائی -