پاکستان کا یمن کے معاملے پر سعودی عرب سے اظہار یکجہتی

اسلام آباد(این این آئی)پاکستان نے یمن کے معاملے پر سعودی عرب سے اظہار یکجہتی کرتے ہوئے کہا ہے کہ حوثی باغیوں کے حملے سعودی عرب کی سالمیت کے خلاف ہیں۔ترجمان دفترخارجہ زاہدحفیظ کی جانب سے جاری بیان میں کہا گیا کہ پاکستان یمن کے معاملے پرسعودی عرب سے اظہار یکجہتی کرتا ہے،حوثی باغیوں کے میزائل اور ڈرون حملے سعودی عرب کی سالمیت کیخلاف ہیں۔ترجمان نے کہا کہ سعودی عرب کے دفاعی اقدامات سے کئی جانیں بچیں جو قابل تعریف ہے، پاکستان سعودی عرب کے بیرونی جارحیت کیخلاف حق حفاظت کی حمایت کرتاہے۔ترجمان دفتر خارجہ نے کہا کہ پاکستان یمن معاملہ پر فریقین کو پرامن مذاکرات شروع کرنے پر زور دیتا ہے، کولیشن کی جانب سے یمن کی سالمیت کیلئے اٹھائے گئے اقدامات کو سراہتے ہیں۔
 اظہار یکجہتی