سشانت سنگھ راجپوت اور سیف علی خان کی بیٹی سارہ علی خان کی سیگریٹ نوشی کی ویڈیو نے ہنگامہ برپا کر دیا

سشانت سنگھ راجپوت اور سیف علی خان کی بیٹی سارہ علی خان کی سیگریٹ نوشی کی ...
سشانت سنگھ راجپوت اور سیف علی خان کی بیٹی سارہ علی خان کی سیگریٹ نوشی کی ویڈیو نے ہنگامہ برپا کر دیا
کیپشن:    سورس:   creative commons license

  

ممبئی (ویب ڈیسک) رواں سال خودکشی کرکے اپنی جان لینے والے بھارتی اداکار سشانت سنگھ راجپوت کی ایک نئی ویڈیو منظر عام پر آگئی ہے جس میں بالی ووڈ اداکارہ سارہ علی خان اپنے دوست سشانت کے ہمراہ سگریٹ نوشی کرتی نظر آرہی ہیں۔

سشانت سنگھ خودکشی کیس میں گرفتار ہونے والی ریا چکرورتی نے تحقیقات کے دوران یہ انکشاف کیا تھا کہ سشانت کی سابقہ گرل فرینڈ سارہ علی خان بھی ان کے ساتھ مل کر منشیات کا استعمال کرتی تھیں، ریا چکرورتی کے اس انکشاف کے بعد اب ایک ویڈیو منظر عام پر آئی ہے۔

سشانت سنگھ راجپوت کی منظر عام پر آنے والی ویڈیو ان کے فارم ہاؤس کی ہے اور ڈرون کیمرہ کے استعمال سے ریکارڈ شدہ اس ویڈیو کلپ میں دونوں ساتھی اداکاروں کو فلم ’کیدار ناتھ ‘ کی کامیابی کے بعد جشن منانے کی صورت میں سگریٹ نوشی کرتے ہوئے دیکھا جاسکتا ہے۔

واضح رہے کہ اس سے قبل بھی اسی طرح کی ایک ویڈیو منظر عام پر آئی تھی جس میں سشانت سنگھ اور ریا چکرورتی کو سگریٹ نوشی کرتے دیکھا گیا تھا۔

دریں اثنا نارکوٹکس کنٹرول بیورو (این سی بی) کی جانب سے اس معاملے میں منشیات کے زاویہ کی تحقیقات کے لیے سارہ علی خان، راکول پریت سنگھ اور ڈیزائنر سمن کھمباٹا کو طلب کیا جائے گا، بھارتی میڈیا کے مطابق رواں ہفتہ کے آخر میں ان تمام لوگوں کو پوچھ گچھ کے لیے طلب کیاجائے گا۔

خیال رہے کہ ریا چکرورتی نے بتایا تھا کہ ناصرف وہ بلکہ اداکارہ سارہ علی خان، راکول پریت سنگھ اور سمن کھمباٹا بھی سوشانت کے ساتھ مل کر منشیات استعمال کرتے رہے ہیں۔ریا چکرورتی نے یہ بھی انکشاف کیا تھا کہ 2016 میں فلم کیدار ناتھ کی شوٹنگ کے دوران سشانت سنگھ راجپوت کو منشیات کی لت لگی تھی۔

مزید :

تفریح -