ایک مختلف کہانی | افتخارنسیم |

ایک مختلف کہانی | افتخارنسیم |
ایک مختلف کہانی | افتخارنسیم |

  

ایک مختلف کہانی

جولی کتنی بھولی تھی

جب اس نے اظہار کیا تھا

اپنے اندر کی خواہش کا

اس چھوٹے سے شہر کے

سارے لوگوں نے اس پر تھوکا تھا

چرچ کے فادر نے

اس کو

انجیل مقدس کے ورقوں سے پڑھ کے سنایا

عورت نسلِ انسانی کی خاطر دنیا میں آئی ہے

اس کے اندر کی خواہش تو ایک گناہ ہے

یہ تو کافی سال پرانا قصہ ہے

اب جولی تو بہت بڑے اک شہر کے اندر

عالی شان مکان میں رہتی ہے

اپنی محبوبہ کے ساتھ

کبھی کبھار اسے جب 

اس چھوٹے سے قصبے کی یاد ستاتی ہے

تو کسی بھی قبرستان میں جا کر

انجان قبروں پہ پھول چڑھا کر

گھر کو واپس آ جاتی ہے

شاعر: افتخار نسیم

(رسالہ"سب رس"افتخار نسیم نمبرسے انتخاب، شمارہ نمبر 1992،11)

Aik   Mutaliff    Kahaani

Joli    Kitni   Bholi   Thi

Jab    Uss    Nay    Izhaar    Kaya  Tha

Apnay    Andar    Ki   Khaahish   Ka

Uss   Chhotay   Say   Shehr   K 

Saaray   Logon   Nay   Uss    Par   Thooka   Tha

Charch    K    father   Nay

Uss    Ko

Anjeel    Muqadass    K    Warqon    Say   Parrh    K    Sunaaya    Tha

Aorat     Nasl-e- Aadam    K    Liaay    Dunya    Men    Aai   Hay

Uss   K   Andar    Ki    Khaahish   To    Aik   Gunah   Hay

Yeh    To    Kaafi    Saal    Puraana   Qissa    Hay

Ab    Joli    To    Bahut   Barray     Ik    Shehr    K   Andar 

Aali    Shaan    Makaan    Men    Rehti   Hay

Apni     Mehbooba    K    Saath

Kabhi    Kabhaar    Usay   Jab

Uss    Chhotay    Say    Qissaay    Ki    Yaad    Sataati   Hay

To    Kisi    Bhi    Qabristaan   Men    Ja    Kar

Anjaani   Qabron    Pe    Phool    Chrrha   Kar

Ghar    Ko     Waapas    Aa    Jaati    Hay

Poet: Iftikhar    Naseem

مزید :

شاعری -سنجیدہ شاعری -