سیلاب زدگان کی مدد نہیں، صرف  فوٹو سیشن ہو رہا ہے، شیخ رشید

سیلاب زدگان کی مدد نہیں، صرف  فوٹو سیشن ہو رہا ہے، شیخ رشید

  

راولپنڈی (مانیٹرنگ ڈیسک)سابق وفاقی وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ ایم کیو ایم اپنے کارکنوں کی لاشیں ملنے کے باوجود بھی حکمرانوں کی سیاسی لاش کے ساتھ کھڑی ہے۔سماجی رابطے کی ویب سائٹ ٹوئٹر پر شیخ رشید احمد نے کہا کہ وزیراعظم فیول ایڈجسٹمنٹ چارجز معاف کرتا ہے اور وزیر توانائی مؤخرکرتا ہے، صدر سیاسی مفاہمت کراتے ہیں یا ڈی چوک پر فیصلہ ہونا ہے، سیلاب زدگان کی مدد نہیں، صرف فوٹو کھنچوائی جارہی ہے۔سابق وزیر داخلہ کا کہنا تھا کہ گردشی قرضہ 23 کھرب روپے ہوگیا ہے، لاپتا شہری کی بازیابی ہو یا پیناڈول گولی کی دستیابی، ہائیکورٹ سے ملتی ہے، اقوام متحدہ کی160ملین کی امداد اونٹ کے منہ میں زیرہ ہے۔سربراہ عوامی مسلم لیگ نے مزید کہا کہ ایسا دکھائی دیتا ہے کہ آرمی چیف کی تعیناتی ہی پاکستان کا سب سے بڑا مسئلہ ہے، مذہبی منافرت پھیلانے والے اورعمران کو دیوار سے لگانے والے عوام میں جانے کے قابل نہیں ہیں۔

شیخ رشید 

مزید :

پشاورصفحہ آخر -