وزیراعظم شہباز شریف اور ترک صدر رجب طیب اردگان کی ملاقات، اہم منصوبے پر اتفاق کر لیا گیا 

وزیراعظم شہباز شریف اور ترک صدر رجب طیب اردگان کی ملاقات، اہم منصوبے پر ...
وزیراعظم شہباز شریف اور ترک صدر رجب طیب اردگان کی ملاقات، اہم منصوبے پر اتفاق کر لیا گیا 

  

سمرقند(ڈیلی پاکستان آن لائن )پاکستان اور ترکیہ نے روس سے بذریعہ پائپ لائن پاکستان کو گیس فراہمی کے مجوزہ منصوبے پر کام کرنے کیلئے اتفاق کر لیاہے ۔

تفصیلات کے مطابق وزیر اعظم شہباز شریف نے سمرقند میں شنگھائی تعاون تنظیم کے سربراہان مملکت کے اجلاس کے موقع پر ترک صدر رجب طیب ایردوان سے ملاقات کی، جس میں روس سے پائپ لائن کے ذریعے پاکستان کو گیس کی فراہمی کے منصوبے پر کام کرنے پر ترکیہ اور پاکستان کے درمیان اتفاق کیا گیا۔

ترکیہ کے صدر رجب طیب ایردوان نے وزیراعظم سے گفتگو کرتے ہوئے بتایا کہ روس، قزاقستان اور ازبکستان میں کسی حد تک گیس پائپ لائن کے لیے بنیادی ڈھانچہ پہلے سے موجود ہے۔ اس سلسلے میں دوطرفہ تجارت کے فروغ، گیس کی فراہمی سمیت لارج سکیل منصوبوں کے امکانات اور عملدرآمد پر اتفاق رائے کیا گیا۔ترک صدر کا کہنا تھا کہ ہم جنوب مشرقی ایشیا ءاور مجموعی طور پر ایشیا میں پاکستان کو اپنا ترجیحی شراکت دار تصور کرتے ہیں۔ دونوں ممالک کے درمیان نہایت مثبت انداز میں تعلقات فروغ پا رہے ہیں جس پر ہمیں بے حد خوشی ہے۔ 

مزید :

اہم خبریں -قومی -