قومی بلائنڈ کرکٹ ٹورنامنٹ 24 اپریل سے شروع ہوگا

قومی بلائنڈ کرکٹ ٹورنامنٹ 24 اپریل سے شروع ہوگا

  IOS Dailypakistan app Android Dailypakistan app


اسلام آباد(اے پی پی) آغا شوکت علی میموریل نیشنل بلائنڈ کرکٹ ٹورنامنٹ 24 اپریل سے کوئٹہ میں شروع ہوگا۔ پاکستان بلائنڈ کرکٹ کونسل کے چیئرمین سید سلطان شاہ نے میڈیا سے بات چیت کرتے ہوئے بتایا کہ پہلی بار آغا شوکت علی میموریل نیشنل بلائنڈ کرکٹ ٹورنامنٹ کا انعقاد کیا جا رہا ہے،ایونٹ میں پانچ ٹیمیں حصہ لیں گی جن میں کراچی، کوئٹہ، پشاور، بہاولپور اور اسلام آباد شامل ہیں۔ انہوں نے کہا کہ ٹورنامنٹ میں قومی کھلاڑی حصہ لیں گے، ان کھلاڑیوں کیلئے یہ ٹورنامنٹ بڑی اہمیت کا حامل ہے، کارکردگی دکھانے والے کھلاڑیوں کو ورلڈ کپ 2018 کے تربیتی کیمپ کیلئے شارٹ لسٹ کیا جائے گا۔ انہوں نے کہا 29 اپریل تک جاری رہنے والے ٹورنامنٹ میں سے 30 بہترین کھلاڑیوں کا انتخاب کیا جائے گا جو تربیتی کیمپ میں حصہ لیں گے۔