سعودی عرب ،ریاستی سلامتی کو نقصان پہنچانے پر قید اور جرمانے کی سزا مقرر

سعودی عرب ،ریاستی سلامتی کو نقصان پہنچانے پر قید اور جرمانے کی سزا مقرر

جازان(آئی این پی)سعودی عرب میں ریاستی سلامتی کو نقصان پہنچانے پر قید اور جرمانے کی سزا مقرر کر دی گئی، جو شخص بھی ریاستی سلامتی یا مفاد عامہ سے متعلق معلومات نشر کریگا اسے 5برس تک قید اور 30لاکھ ریال تک جرمانے کی سزا دی جائے گی،بعض لوگ اس سلسلے میں سوشل میڈیا اور موبائل ایپلی کیشنز کے ذریعے مذکورہ غلطی کے مرتکب ہورہے ہیں۔ غیر ملکی میڈیا کے مطابق معروف سعودی وکیل عبدالکریم القاضی نے خبردار کیا ہے کہ ریاستی سلامتی اور مفاد عامہ خصوصاً سراغ رساں ادارے کے وڈیو کلپس یا تصاویر یا معلومات شائع کرنا سزا کاموجب ہے۔ بعض لوگ اس سلسلے میں سوشل میڈیا اور موبائل ایپلی کیشنز کے ذریعے مذکورہ غلطی کے مرتکب ہورہے ہیں۔ اطلاعاتی جرائم قانون کی دفعہ 6میں یہ صراحت موجود ہے کہ جو شخص بھی ریاستی سلامتی یا مفاد عامہ سے متعلق معلومات نشر کریگا اسے 5برس تک قید اور 30لاکھ ریال تک جرمانے یا دونوں میں سے کوئی ایک سزا دی جائیگی۔

سعودی عرب

مزید : کراچی صفحہ اول