چکوال،جعلی حکیم کا کلینک اورمیڈیکل سٹورسیل
چکوال(ڈسٹرکٹ رپورٹر) ڈپٹی کمشنر چکوال ڈاکٹر عمر جہانگیر خان کی ہدایت پر اسسٹنٹ کمشنر چکوال اور محکمہ صحت نے کاروائی کرتے ہوئے انسانوں میں موت بنٹانے والے جعلی حکیم کے تھنیل روڈ پر واقعہ کلینک او ر محمدی میڈیکل سٹور کو سر بمہر کر دیا ۔ ایلو پیتھک اور غیر معیاری ادویات کے علاوہ استعمال شدہ سرجیں بھی برآمد کر لیں ،عوام کا محکمہ صحت اور اسسٹنٹ کمشنر چکوال کو خراج تحسین ۔ تفصیلات کے مطابق اسسٹنٹ کمشنر چکوال افضل حیات تارڑ نے محکمہ صحت کے افسران اور ڈرگ انسپکٹر ڈاکٹر محمد سلیم بٹ ، ڈپٹی ہیلتھ آفیسر ڈاکٹر محمد حسن ، ڈاکٹر قدیر انجم ، ڈی ایس پی صدر افتخار خان ایس ایچ او سٹی کے ہمراہ اچانک چھاپہ مارا ، جعلی ڈاکٹرحق نواز موقع پر سے فرار ہو گیا ۔ ڈرگ ایکٹ کے تحت میڈیکل سٹور اور کلینک کو سیل کر دیا گیا ۔
