لینے کے دینے پڑگئے، حکومت نے نوازشریف کیخلاف احتساب عدالت میں کیس سننے والے جج محمد بشیر کو گھر خالی کرنے کا کہا تو اعلیٰ عدلیہ نے کیا کردیا؟ جان کر ہرپاکستانی ہکا بکا رہ جائے گا

لینے کے دینے پڑگئے، حکومت نے نوازشریف کیخلاف احتساب عدالت میں کیس سننے والے ...
لینے کے دینے پڑگئے، حکومت نے نوازشریف کیخلاف احتساب عدالت میں کیس سننے والے جج محمد بشیر کو گھر خالی کرنے کا کہا تو اعلیٰ عدلیہ نے کیا کردیا؟ جان کر ہرپاکستانی ہکا بکا رہ جائے گا

اسلام آباد(ویب ڈیسک)ہائیکورٹ نے حکومت کو ججز سے سرکاری رہائش گاہیں واپس لینے سے روک دیا۔اسلام آباد ہائیکورٹ میں ماتحت عدلیہ کے ججز کی رہائش گاہیں واپس لینے کے کیس کی سماعت ہوئی۔ جسٹس شوکت عزیز صدیقی نے 33 ججز کی درخواست کی سماعت کی۔ عدالت عالیہ نے وزارت ہائوسنگ کا 28 مارچ کا نوٹیفیکیشن معطل کرتے ہوئے حکم دیا کہ آئندہ سماعت تک رہائش گاہیں واپس نہیں لی جاسکتیں۔

یوٹیوب چینل سبسکرائب کرنے کیلئے یہاں کلک کریں

جسٹس شوکت عزیز صدیقی نے کہا کہ وفاقی وزیر اور سیکرٹری ہائوسنگ اینڈ ورکس کے خلاف توہین عدالت کی کارروائی کریں گے، وزارت ہائوسنگ کا ججز کی رہائش گاہیں واپس لینے کا نوٹیفکیشن بدنیتی پر مبنی ہے، اسلام آباد ضلعی کچہری کے ججز کمرشل ایریا میں عدالتیں لگائے ہوئے ہیں۔ عدالت نے وزیر ہاﺅسنگ، سیکریٹری ہاﺅسنگ اور اسٹیٹ افسر کو نوٹس جاری کرتے ہوئے کہا کہ ججز قانون کے تحت سرکاری رہائشیں رکھنے کے اہل ہیں۔کیس کی سماعت دو ہفتوں کے لئے ملتوی کردی گئی۔

واضح رہے کہ حکومت نے اسلام آباد ہائی کورٹ اور ماتحت عدلیہ کے ججوں سے سرکاری رہائش گاہیں خالی کرانے کا نوٹی فکیشن جاری کیا تھا۔ ان میں نوازشریف کے خلاف نیب ریفرنسز کی سماعت کرنے والے احتساب عدالت کے جج محمد بشیر اور انسداد دہشت گردی عدالت کے جج شاہ رخ ارجمند بھیک شامل ہیں۔ 2008 میں وزارت ہاﺅسنگ نے اسلام آباد ہائیکورٹ اور ماتحت عدلیہ کے ججز کو سرکاری رہائش گاہیں الاٹ کی تھیں۔

مزید : علاقائی /اسلام آباد

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...