”لگتا ہے کہ آپ عمران خان کا انٹرویو کرتے بور ہو گئی تھیں اور۔۔۔“ ٹوئٹر صارف نے عمران خان کا انٹرویو کرنے والی روسی خاتون صحافی کو یہ بات کہی تو انہوں نے ایسا جواب دیدیا کہ آپ بھی بے اختیار کہہ اٹھیں گے ”بی بی! عمران خان شادی شدہ ہیں“

”لگتا ہے کہ آپ عمران خان کا انٹرویو کرتے بور ہو گئی تھیں اور۔۔۔“ ٹوئٹر صارف ...

لاہور (ڈیلی پاکستان آن لائن) روسی خاتون صحافی ’صوفی‘ نے پاکستان تحریک انصاف (پی ٹی آئی) چیئرمین عمران خان کا انٹرویو کیا کر لیا، وہ تو ان پر ’لٹو‘ ہی ہو گئی ہے جس کا ثبوت انہوں نے ٹوئٹر پر انٹرویو کی ویڈیوز شیئر کرتے ہوئے اس وقت دیا جب عمران خان کیلئے ’خوبصورت، دلنشین اور کرشماتی‘ جیسے الفاظ استعمال کئے۔

  ان کی اس ویڈیوز پر پاکستانیوں کی جانب سے خوب کمنٹس کئے گئے لیکن ایک پاکستانی صارف نے جب یہ کہا کہ لگتا ہے آپ عمران خان کا انٹرویو کرتے ہوئے بور ہو گئی تھیں تو انہوں نے ایسا جواب دیدیا کہ جان کر آپ بھی بے اختیار کہہ اٹھیں گے ”بی بی! عمران خان شادی شدہ ہیں“

یہ بھی پڑھیں۔۔۔”ہائے، یہ تو بہت ہی خوبصورت ہے اور۔۔۔ “ عمران خان کا انٹرویو کرنے والی روسی حسینہ ان کی خوبصورتی کی تاب نہ لا سکی، انٹرویو کی ویڈیو شیئر کرتے ہوئے ایسی بات لکھ دی کہ عمران خان بھی شرما جائیں گے

شاہین جہان نامی صارف نے ویڈیو پر کمنٹ کرتے ہوئے لکھا ”بہت بہت شکریہ صوفی۔ مجھے یہ انٹرویو بہت پسند آیا اور آپ کے بال بھی بہت پیارے ہیں۔ لیکن ایسا لگتا ہے کہ آپ کافی بور ہو گئی تھیں یا پھر تھکی ہوئی تھیں۔ لیکن پھر بھی آپ بہت پیاری لگ رہی تھیں۔ آپ کے مزید پروگراموں کا منتظر رہوں گا۔“

شاہین نے ’بور‘ ہونے کا کیا کہہ دیا کہ صوفی نے جواب دینے میں ذرا بھی دیر نہ کی اور لکھا ” کیمرے کے زاوئیے اور میری پلکوں کی وجہ سے ایسا لگ رہا ہے ۔۔۔ بھلا عمران خان کا انٹرویو کرتے ہوئے کون بور ہو سکتا ہے؟“

مزید : ڈیلی بائیٹس /علاقائی /اسلام آباد /پنجاب /لاہور

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...