سپریم کورٹ کے باہر لیگی خواتین کی عدلیہ مخالف تقریر ،انتظامیہ حرکت میں آگئی ،لیگی کارکنان کو بڑا جھٹکا دے دیا

سپریم کورٹ کے باہر لیگی خواتین کی عدلیہ مخالف تقریر ،انتظامیہ حرکت میں آگئی ...

اسلام آباد (ڈیلی پاکستان آن لائن )سابق وزیر اعظم نواز شریف کے تاحیات نا اہلی کے فیصلے کے خلاف سپریم کورٹ کے باہر لیگی خواتین عہدیدار اور کارکنان کے احتجاج پر مقدمہ درج کر لیا گیا ۔

تفصیل کے مطابق سپریم کورٹ کے باہر تا حیات نا اہلی کے خلاف لیگی عہدیدار ساجد اعوان ،لطیف اور ایم پی اے تحسین جواد سمیت دیگر لیگی خواتین نے احتجاج کیا ۔اس احتجاج کے خلاف تھانہ سیکریٹریٹ میں مقدمہ درج کر لیا گیا ۔مقدمے میں عدلیہ مخالف نعروں اور تقاریر کی دفعات شامل کی گئی ہیں ۔

اس سے قبل گزشتہ روز چیف جسٹس نے بھی لیگی خواتین کے احتجاج پر اظہار برہمی کیا تھااور اس حوالے سے بروقت مقدمہ درج نہ کرنے پر اسلام آباد کے ایس ایس پی سیکیورٹی جمیل ہاشمی کو او ایس ڈی بنا دیا گیا تھا جبکہ تھانہ سیکریٹریٹ کے ایس ایچ او حاکم خان کو بھی معطل کیا گیا تھا تاہم سپریم کورٹ کی سیکیورٹی کے لیے تعینات ایس پی ذیشان کے خلاف کوئی کارروائی نہیں کی گئی ۔ذرائع کے مطابق آئی جی اور ڈی آئی جی اسلام آباد کی چیف جسٹس سے ملاقات بعد کارروائی کی گئی ہے۔

مزید : قومی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...