حکومت کی ناقص حکمت عملی سے کرونا پھیل رہا ہے،عظمیٰ بخاری

  حکومت کی ناقص حکمت عملی سے کرونا پھیل رہا ہے،عظمیٰ بخاری

  

لاہور(لیڈی رپورٹر)مسلم لیگ (ن) پنجاب کی ترجمان عظمیٰ بخاری نے کہا ہے کہ پنجاب حکومت کی ناقص حکمت عملی کی وجہ سے کورونا پھیل رہا ہے،لیکن پنجاب حکومت چین ہی چین لکھتی ہے۔پنجاب میں کورونا کے کنفرم مریضوں کی تعداد 3217تک پہنچ گئی ہے۔وزیراعلیٰ پنجاب اور وزیر صحت کی کارکردگی صرف لاحاصل دوروں تک محدود ہے۔حکومت جان بوجھ کر لوگوں کے ٹیسٹ نہیں کررہی۔ٹیسٹ کم کرنے سے کورونا وائرس کو چھپایا نہیں جاسکتا۔حکومتی ترجمانوں کے بقول پچاس ہزار سے زائد ٹیسٹنگ کی صلاحیت حاصل کی جا چکی۔لیکن پنجاب حکومت روزانہ تین ہزار ٹیسٹ کررہی ہے۔

،12 کروڑ پنجاب کی آبادی کے لیے نہ ہونے کے برابر ہے۔تین ہزار ٹیسٹوں سے 150 سے 200 تک روزانہ مریض سامنے آرہے ہیں۔یاسمین راشد روزانہ جھوٹ بول کر اپنی نااہلی اور غفلت نہیں چھپاسکتی۔عظمیٰ بخاری نے مزید کہا حکومت کورونا کے ٹیسٹ کرنے کی تعداد بڑھائے۔ٹیسٹنگ کے معاملے میں پنجاب حکومت غیر ذمہ دارانہ رویہ اختیار کررہی ہے۔پنجاب حکومت معاملات کو چھپانے کی بجائے اس کے سدباب پر توجہ مرکوز کرے۔وفاقی حکومت کی کورونا وائرس پر کم اور امدادی رقم وصول کرنے پر زیادہ توجہ ہے۔عمران خان ایک ماہ بعد بھی کورونا پرقومی لائحہ عمل طے نہیں کرسکے:،لیکن انکے فوٹوگرافر کی کارکردگی مثالی ہے۔تحریک انصاف چندہ پارٹی ہے اور رہے گی،لیکن کبھی حساب کتاب نہیں دیں گے۔صوبے اور وفاق نہ جانے کس کی پالیسیوں کے مطابق چل رہے ہیں۔

مزید :

میٹروپولیٹن 1 -